Гранатирањето на градинките во Донбас е голема провокација, вели Зеленски

Свет
17 фев 2022

Гранатирањето на градинките во Донбас е голема провокација, вели Зеленски

Гранатирањето на градинките во Донбас е голема провокација, вели украинскиот претседател Володимир Зеленски.

Тој денеска објави дека проруските сили во Донбас ракетирале една детска градинка.

„Важно е дипломатите и ОБСЕ да продолжат со мониторинг активностите како дополнителни одвраќачки средства. Ни треба ефикасен механизам за евидентирање на сите прекршувања на примирјето“, напиша Зеленски на Твитер.

Утринава проруските сили ги обвинија украинските владини сили дека четири пати отвориле оган на нивна територија во изминатите 24 часа, а Украина ги обвини бунтовниците дека пукале со гранати, од кои некои наводно ја погодиле зградата на градинката.

Моето чувство е дека Русија ќе ја нападне Украина во следните неколку дена, вели претседателот на САД, Џо Бајден. Тензиите меѓу Украина и Русија се на крајно високо ниво.