Граѓанин нападна француски политичар. 

Човек го нападна претседателскиот кандидат на крајната десница Ерик Земур при неговиот прв предизборен митинг во Франција.  Додека 63-годишникот се движел низ толпата кон бината, маж накратко го фатил за врат пред да интервенираат од обезбедувањето. На Земур му е повреден зглобот и лекарите му препишале девет дена одмор.  Поранешниот новинар е познат по своите контроверзни ставови за мигрантите и Втората светска војна. Инцидентот во кој е нападнат Земур е еден од неколкуте насилни судири за време на настанот, одржан во неделата вечерта во конгресниот центар североисточно од Париз. Полицијата брзо го уапсила напаѓачот, а портпаролот на партијата на Земур за весникот Фигаро изјавил дека планираат да поднесат правна жалба. 

Летово, млад човек го нападна францускиот претседател Емануел Макрон, односно му удри шлаканица додека тој се поздравуваше со граѓани. 

Маж во францускиот град Лион во септември годинава го удри францускиот претседател Емануел Макрон со јајце во главата.