Првиот муслиман  избран за градоначалник на Лондон, Садик Кан ја критикуваше денеска неуката претстава за исламот на Доналд Трамп, кандидат за претседател на САД.

Во декември, по нападот на  џихадисти во Сан Бернардино, Калифорнија, Трамп се изјасни за целосна забрана за влез на муслимани во САД. Но, откако минатата недела  Кан беше избран за градоначалник, Трамп  вчера изјави дека за него би направил исклучок.

„Неуката претстава на Доналд Трамп за исламот би штетела на безбедноста на нашите две земји“ -  рече Кан.

Тој вели дека ставовите на Трамп предизвикуваат ризик од оттуѓување на муслиманите во целиот свет, што одговара на интересите на екстремистите. Трамп и луѓето околу него мислат дека западните либерални вредности се некомпатибилни со традиционалниот ислам, но Лондон докажа дека тој греши, категоричен е новиот градоначалник на Лондон.