Голем пожар беснее на Кипар, а евакуирани се населени места.

Од Министерството за климатски кризи и цивилна заштита на Грција соопштија дека испраќаат два канадери.

Пожар избувна во близина на градот Пафос во западниот дел на Кипар, нанесувајќи штета на домови и превентивно беа евакуирани неколку населени места, а и покрај интервенциите од копно и воздух, огнените јазици засега се вон контрола, јави дописничката на МИА од Атина.

Пожарот е во непрооден дел, гори сува трева, ниска вегетација и дрвја. Како што кажа портпаролот на противпожарната служба на Кипар Андреас Кетис, државата побарала помош со воздушни средства од Јордан, Израел, Грција и механизмот за цивилна заштита на Европската Унија.

В0 2021 година, неколку земји помогнаа Кипар да се справи со пожарите. 

Голем шумски пожар имаше на Кипар во 2016 година.