Ако се чувствувате обземен од огромниот проток на информации на социјалните мрежи , наскоро може да добиете корисен помошник . Google успеал да патентира нов софтвер кој ќе пишува автоматски статуси и коментари на социјалните мрежи наместо корисниците , објави онлајн изданието Engadget . " Популарноста и употребата на социјалните мрежи и останатите типови електронска комуникација расте драматично во последниве години . Често им е тешко на луѓето да се во текот на сето и да одговараат на сите пораки кои ги примаат" , коментира компанијата во аргументите на документацијата за патентот. За да се намалат повредените срца и да се олесни комуникацијата помеѓу луѓето , софтверот на Google ќе ги " проучува " навиките и стилот на изразување на конкретниот корисник. Програмата ќе го анализира неговото онлајн однесување и потоа ќе може да е способна да пишува и објавува одговори од името на неговиот корисник. Идејата на Google е , софтверот да може да се справи во различни ситуации: промени на статусот , коментирање на клипови, слики , известувања и др. Крајната цел е напишаното од софтверот да се разликува од тоа на вистинскиот корисник. Од Google смируваат дека нивната програма нема да го превземе онлајн идентитетот на корисниците . Софтверот ќе го следи протокот на информации на социјалните мрежи и ќе генерира соодветни одговори за публикациите . Потоа ќе го обезбеди корисникот со линк и тој ќе може да ги прочита однапред и да се согласи дали подготвените одговори да бидат објавени од негово име. Интернет гигантот работи и во насока на подобрување на способностите на софтверот да оценува кои пораки се важни за коментирање и кои можат да бидат пропуштени .