Google формираше партнерска компанија со францускиот фармацевтски гигант Sanofi со амбиција да го спречат дијабетесот како една од најраспространетите болести за која засега нема лек туку само терапија, а ќе бидат инвестирани 500 милиони долари за истражувања. Google ќе обезбеди технолошки помагала за рана детекција на болеста со надеж дека така ќе може многу полесно и побрзо да се третира, додека пак Sanofi ќе обезбеди медицинска експертиза и лекови. Со смарт уредите на Google корисникот ќе може на дневна база да ги следи виталните функции на својот организам, безболно да врши анализа на крвта и сите податоци по електронски пад да ги собира во единствена аналитичка база.