Познатиот производител на храна за бебиња Innfood е уште една германска компанија за храна која поднесе барање за стечај.

За да избегне повеќе празни полици во супермаркетите, компанијата очајно бара помош од инвеститорите, пренесува „Б92.нет“.

Имено, Innfood летово поднесе барање за стечај и оттогаш компанијата се бори за опстанок. Како производител кој важи за редовен снабдувач на малопродажниот гигант Едека, меѓу другото, банкротот може да влијае и на многу потрошувачи.

"Стечајната постапка трае од октомври. Потребна е итна финансиска инјекција за да се обезбеди иднината на компанијата. Сепак, според Јохан Вагнер од адвокатската канцеларија Вагнер-Ленер, веќе се водат дискусии со можните инвеститори, објави "Lebensmittelzeitung" и списанието Феникс.

Сепак, Вагнер беше оптимист и е убеден дека ќе се најде некој што ќе ја преземе компанијата „целосно или делумно“.

Проблемите кои го доведоа Innfood во оваа тешка положба се повеќекратни. Од една страна, повисоките трошоци се една од причините за финансиските тешкотии на компанијата. Големите инвестиции ја преоптоварија компанијата и на крајот ја направија несолвентна.

Покрај тоа, баварската компанија се обиде да ја прошири својата деловна област со навлегување во кулинарскиот бизнис со сосови и супи, што е планирано како втора фаза. Овие нови производи требаше да се појават на пазарот веќе во 2023 година, но планот беше одложен.