Осум пожарникари загинаа синоќа во голем пожар во складиште за пластика во Москва. 

Загинатите пожарникари работеле на покривот, за да создадат водена завеса за ладење на контејнерите со гас и компресорите и за да го спречат нивното експлодирање.

Tелата на пожарникарите биле пронајдени на местото, каде се изведувани главните спасувачки операции.

„Тие биле едни од првите, кои пристигнале на местото на пожарот, веднаш извршиле проверка и евакуирале над сто работници од складиштето“ - велат од руското Министерство за вонредни состојби. 

Прес-службата на градската управа на Министерството за вонредни состојби соопшти дека пожарот бил локализиран по неколку часа. Се  истражуваат причините за пожарот.