Најмалку 38 лица се повредени во пожар во египетскиот град Исмаилија на Суецкиот канал, јави утринава агенцијата Франс прес, повикувајќи се на безбедносни извори.

#BREAKING #Egypt A massive fire in the Egyptian Ismailia Security Directorate. pic.twitter.com/zDCsZNkmkv

— The National Independent (@NationalIndNews) October 2, 2023

Пожарот, чија причина е непозната, пред зори избувнал во седиштето на Управата за безбедност.

Неколку десетици амбулантни возила и пожарникари се на терен, а на пат се и два воени авиони, јавија државните медиуми.

Портпаролот на Министерството за здравство на Египет, Хосам Абдел Гафара изјави дека на лице место им била укажана помош на 12 повредени, додека 26 се префрлени во болници, а сите освен двајца имаат отежнато дишење, пренесува АП.