Њујоршкото обвинителството покрена тужба против тројца хакери, кои со помош на компјутерски вирус украле десетици милиони долари од банкраски сметки. Како што јави БТА, главен обвинет е Русинот Никита Кузмин, кој се смета за мозок на групата. Другите двајца се Латвиецот Денис Каловскис и Романецот Мијах Паунеску.

Според инспекторите групата преку вируси, вклучително создадениот од нив вирус „Гонзи“, добиле пристап до сметки на физички и правни лица и заразиле со вирусот не помалку од еден милион компјутери во светот и 40 илјади во САД, од кои 160 компјутери на вселенската агенција НАСА. Од 2005 година сајбер криминалците успеале да одземат десетици милиони долари.

Кузмин е уапсен во САД во мај 2011 година. Во 2012 година тој постигна договор со обвинителството. Може да биде и до 95 години затвор. По апсењето на Кузмин кон крајот на минатата година на барање на американските власти во нивните земји беа притворени и Латвиецот и Романецот. Тие се уште не се екстрадирани во САД, но постапката е започната. Каловскис може да добие максимум 67 години затвор, а Паунеску до 60 години.