Украинските власти обвинија висок руски командант за некои од најлошите воени злосторства.

„Запомнете го. Ова е Михаил Мизинцев. Тој ја предводи опсадата на Мариупол. Тој нареди бомбардирање на детска болница, театар... итн. Тој има искуство во уништување градови во Сирија. Ќе се потрудиме да се сретнеме со него во Хаг“, напиша на Твитер краинската началничка на Центарот за граѓански слободи, Александра Матвичук и објави фотографија од генерал-полковникот кој е началник на рускиот центар за контрола на националната одбрана.

Нападот на детската болница и родилиштето предизвика бројни осуди од светот, а Русите ги отфрлија обвинувањата, наведувајќи дека припадниците на контроверзниот Азовски полк претходно протерувале пациенти и ја окупирале болницата.

Во воздушниот напад неколку дена подоцна беше бомбардиран театарот во Мариупол, кој беше засолниште за повеќе од илјада цивили, а со големи букви беше напишано на руски „ДЕЦА“.

Remember him. This is Mikhail Mizintsev. He is leading the siege of Mariupol. It was he who ordered the bombing of a children's hospital, the drama theatre etc. He has huge experience of destroying cities in Syria. We’ll take care of the meeting him in the Hague#RussianWarCrimes pic.twitter.com/9mWzoCnofl

— Oleksandra Matviichuk (@avalaina) March 23, 2022