Новиот имунотерапевтски лек, наречен достарлимаб, покажа невидени резултати во лекувањето на ректалните тумори. Ова го покажа студијата објавена пред неколку дена во престижното медицинско списание The New England Journal of Medicine.

Во студијата, 12 пациенти со напреднати тумори на ректумот добија нов имунотерапевтски лек. Кај сите 12 пациенти, туморот исчезнал, без никакви несакани ефекти, покажа студијата.

Според студијата, пациентите примале достарлимаб на секои три недели во период од шест месеци. Новиот лек го разви Тесаро, американска биотехнолошка компанија која ја купи фармацевтскиот гигант GlaxoSmithKline во 2019 година за 5,1 милијарди долари.

Туморот не се врати ниту половина година по примањето на лекот

Др. Луис А. Дијаз Јуниор, коавтор на студијата, изјави за Њујорк Тајмс дека верува дека „ова е првпат тоа да се случи во историјата на истражување на туморот“.

Научниците и лекарите продолжија да ја следат состојбата на сите 12 пациенти со месеци по терапијата и резултатот беше фантастичен: ниту еден преглед ниту половина година по примањето на лекот не покажа знаци дека туморот се вратил. Откако го добиле лекот, ниту еден од пациентите не отишол на хеморадиотерапија или операција за отстранување на туморот, соопштија од Меморијалниот центар за онкологија Слоун Кетеринг.

Но, треба да се има на ум дека студијата спроведена на само 12 пациенти не може да се смета за конечна поради малиот примерок, што значи дека треба да се спроведат студии на значително поголем број субјекти за да се потврди ефикасноста и безбедноста на овој потенцијално револуционерен лек.

Повеќе детали на Индекс.хр