Швајцарскиот гигант во производство на суровини Гленкор минатата година забележа пад на нето профитот за дури 75%, на износ од 1 милијарда долари. Групата исто така објави дека спојувањето со рударската англо-швајцарска компанија Екстрата се одложува за 16 април, пренесува швајцарскиот весник 24 часа. Гленкор е швајцарска компанија која контролира голем дел од светските суровини и храна. Со помош на таа контрола, оваа компанија има големо влијание на цените на храната и суровините во светот. Според Ројтерс, Гленкор е најголема светска компанија за која обичните луѓе никогаш не ни слушнале.