Компанијата Тесла објави дека ќе ги укине позициите на четворица членови на Главниот одбор за наредните две години.

Овој гигант за производство на електрични автомобили, наместо 11, ќе има 7 оперативни менаџери.

Бред Бас, Антонио Грасија, Стефан Јурвесон и Линда Џонсон Рајс нема повторно да се кандидираат на претстојниот годишен состанок на акционерите во 2019 и 2020 година, според соопштението на компанијата.

Според претставници на Тесла, работата треба се фокусира на постепено поедноставување на големината на одборот за да може да се работи побрзо и поефикасно, пишува Ројтерс.

Од компанијата Тесла, исто така додаваат дека оваа одлука не е резултат на несогласување меѓу компанијата и директорите.

Од четирите членови кои што би излегле од одборот, Бас и Грасија биле дел и од Одборот за контрола на детекција на Тесла, надгледувајќи го спроведувањето на условите од договорот за Тесла и SEC.