Укинувањето на санкциите за иранската нафта би овозможило испорака во Азија во рок од три или четири дена, изјави американскиот министер за енергетика Крис Рајт.

„За неколку дена, за три или четири дена, таа нафта ќе почне да пристигнува во пристаништата“, рече Рајт во интервју за американската мрежа „Фокс бизнис“, пренесува „Ројтерс“.

Рајт рече дека несанкционираната нафта потоа ќе биде рафинирана и пласирана на пазарот во текот на следниот месец и половина.

„Мислам дека поголемиот дел од таа нафта ќе биде апсорбирана во следните 30 до 45 дена“, рече тој.

Министерот за финансии на САД, Скот Бесент, вчера изјави дека Вашингтон наскоро би можел да ги укине санкциите за иранската нафта што е заглавена на танкерите, додека се обидува да ги ограничи растечките цени на горивата поради затворањето на Ормутскиот теснец.

Фото: Принтскрин/Икс