Британскиот премиер Риши Сунак ја тргна од функцијата министерката за внатрешни работи Суела Брејвермен, која предизвика бес поради обвинувањата дека полицијата била премногу попустлива со пропалестинските демонстранти.

Владата во понеделникот соопшти дека Брејвермен веќе ја напуштила работата.

Таа се соочи со критики откако ги опиша пропалестинските демонстрации како „маршеви на омраза“ и ја обвини полицијата за двојни стандарди.

„Не верувам дека овие маршеви се само крик за помош за Газа“, напиша сега веќе екс-министерката во написот објавен од Тајмс.

„Тие го покажуваат приматот на одредени групи, особено на исламистите, а ние сме навикнати да гледаме нешто слично во Северна Ирска.

Алстер, исто така, вознемирувачки потсетува на извештаите дека некои од организаторите на саботниот марш се поврзани со терористички групи, вклучително и Хамас“, рече таа, обвинувајќи ја полицијата дека е поблага кон пропалестинските демонстрации и тврдејќи дека десничарските и националистичките демонстранти се третираат поинаку.

Нејзините коментари предизвикаа остри критики, вклучително и од опозициските политичари и активисти.

Suella Braverman seeking to exploit the sensitivities of this moment, and an ignorance of Northern Ireland’s history, to inflame community tensions for her own leadership campaign is an appalling new low.

Rishi Sunak must sack her. But he’s too weak.

— David Lammy (@DavidLammy) November 9, 2023

„Суела Брејвермен е надвор од контрола“, напиша Ивет Купер, од главната опозициска Лабуристичка партија, на Твитер. „Нејзиниот напис е крајно неодговорен, опасен обид да се поткопа почитта кон полицијата во чувствително време, да се уништи оперативната независност и да се разгорат тензиите во заедницата. Ниту еден друг министер за внатрешни работи на која било партија не би го направил тоа“.

Во Лондон изминатиот месец имаше масовни протести за време на викендоте, при што десетици илјади луѓе излегоа на улиците за да ја осудат немилосрдната кампања на израелското бомбардирање на Појасот Газа и да побараат од владата на Британија да повика на прекин на огнот.