Германскиот федерален министер за здравство Карл Лаутербах рече дека Германија нема да влезе во карантин за Божиќ, за разлика од соседната Холандија.

„Не, нема да имаме заклучување како Холандија пред Божиќ“, рече Лаутербах за АРД.

„Но, всушност, ситуацијата е ваква: петтиот бран доаѓа кај нас“, објасни Лаутербах. „Го надминавме критичниот број на заразени со омикрон. Затоа, овој бран повеќе не може целосно да се запре и мора да се спротивставиме“.

Во Холандија, строгото заклучување стапи на сила денеска, како одговор на варијантата на коронавирусот што брзо се пренесува. Затворени се речиси сите продавници, ресторани, културни и спортски објекти, училишта и фризерски салони. Супермаркетите и аптеките беа изоставени од забраната.

Извор: Индекс.хр

Фото: ЕПА