Јавен затворен базен во германскиот град Нојтраублинг крај Регенсбуг ја забрани употребата на бурки, облека која го покрива целото тело, а ја носат муслиманки,  пишува The Local.

Овие жени во базен носеле посебен тип на бурка, која е прилагодена за капење, а при тоа на жената и се гледа само лицето.

„Зошто се покриени по целото тело, не можам да разберам "- изјави градоначалникот на градот, Хајнц Кихле.

Тој додаде дека  базенот е финансиран со јавни средства од сите граѓани, и затоа нема смисла да се прават посебни промени за различните религии.

„Тоа е и против основните идеи за интеграцијата и меѓусебното разбирање"- смета Кихле.

Забраната е наметната во базенот, по организиран ден само за жени.

Бурките се забранети во повеќе европски земји.

Во Холандија се забранува носење бурки во јавни установи, болници, училишта, како и во Франција.

И во соседна Бугарија во градот Пазарџик е забрането да се носат бурки, со што се предвидуваат и казни за жените кои ќе бидат фатени со бурки.