Германската министерка за одбрана, Урсула Вон Дер Лејен во изјава за МИА изрази уверување дека Македонија ќе ја добие поканата за НАТО денеска и оти планира да ја посети земјата наесен, односно во септември пред одржувањето на планираниот референдум за „народно признавање“ на договорот помеѓу Скопје и Атина.

– Германија силно го поддржува добивањето покана за влез во НАТО за нашите македонски пријатели, и многу сум сигурна дека тоа ќе биде резултатот на Самитот и со нетрпение очекувам да ја посетам вашата прекрасна држава, во септември мислам – рече Вон Дер Лејен.

На прашање во врска со референдумот, Вон Дер Лејен одговори дека се надева оти тој добро ќе помине.

– Стискам палци референдумот добро да помине, многу е важно за нас, нашите македонски пријатели да пристапат во НАТО – изјави германската министерка за одбрана.