Германија ќе треба да троши повеќе средства за обезбедување на својата надворешна безбедност. Ова го изјави канцеларката Ангела Меркел. 

„Ќе треба да трошиме повеќе за надворешна безбедност. Во долгорочна перспектива ќе биде лошо ако САД даваат за одбрана 3,4% од БДП, а ние - речиси 1,2%"“ -  рече Меркел за време на конференцијата на младинската организација на ХДЗ / ЦСУ, која се одржува во градот Падерборн. 

Таа вели дека конфликти беснеат пред вратите на ЕУ. 

„Ние сме многу далеку од целите на НАТО за трошоци за одбрана од 2% од БДП. Вчера научив дека  „Исламска држава“ за првпат  користела дронови. Ова покажува дека во борбата против тероризмот и во напорите за зајакнување на одбраната ние треба да станеме подобри" - истакна Меркел. 

Во европското семејство има загриженост за безбедноста по приемот на голем број бегалци.