Најголемиот италијански осигурител Generali се фокусира на зајакнување на капиталната база преку продажба на средства кои не се поврзани со основната дејност на компанијата , изјавил портпаролот на компанијата за Reuters во одговор на прашање во врска со евентуален интерес кон државниот извозен осигурител Sace . Минатата недела , италијанската влада започна план за приватизација, со кој планира да собере меѓу 10 и 12 милијарди евра . Во петокот, италијанските медиуми информираа дека Generali размислува за купување на 60% од Sace , која е меѓу компаниите објавени за продажба. "Компанијата не коментира пазарни гласини. Компанијата е фокусирана на зајакнување на капиталната база преку стратегија која вклучува , покрај сето друго , и продажба на средства за 4 милијарди евра до 2015 година " , изјавил портпаролот на Generali во врска со гласините за евентуален интерес кон Sace . Според аналитичарите, стекнувањето на голем удел во Sace ќе наметне сериозно зголемување на капиталот , нешто што Generali се обидува да го избегне .