Компанијата за гас Газпром минатата година оствари значителен нето профит од 38 милијарди долари, што е за десет проценти помалку во однос на 2011 година. Профитот на Газпром во 2012 година изнесуваше 38 милијарди долари, во споредба 42,2 милијарди долари од 2011 година, а ваквиот пад на добивката е последица на слабата продажба и растечките трошоци, се наведува во соопштението на компанијата, пренесува Франс Прес. Во текот на минатата година, нето продажбата на гас е намалена за шест проценти, бидејќи продажбата на тој енергенс во Европа и другите региони се зголеми за само два проценти, додека продажбата во поранешните советски републики се намали за 17 проценти. Во меѓувреме, трошоците за работењето се зголемени за 18 проценти.