Претставници на Гаспром предупредија дека одлуката на Украина да го прекине увозот на природен гас од Русија може да го загрози транзитот до европските земји . " Украина откако во ноември прекина да увезува руски гас , може да почне да ги користи за своите внатрешни потреби резервите од подземните складишта и на тој начин да се наруши транзитот кон Европа " - изјави директорот на Одделот за надворешни економски врски во компанијата, Павле Одеров. Тој додаде дека без употреба на капацитетот на складишта, транзитот во најстудените зимски месеци не е можен . Според заменик-претседателот на Гаспром, Виталиј Маркелов, Украина почна да црпи од овие резерви уште пред да настапи зимата и кај овие стапки таму ќе останат 14 милијарди кубни метри гас , што тој ги смета за катастрофа. Маркелов е на мислење дека за да се обезбеди непречен транзит во зима , во подземните складишта треба да има најмалку 21 милијарди кубни метри гас . Од рускиот гасен гигант велат дека не гледаат позитивна динамика во отплатата на долгот , кој во времето надминува 1,3 милијарди долари , но се подготвени да понудат на Нафтогас - Украина ново одложување на плаќањата .