Европската комисија му даде зелено светло на рускиот енергетски гигант „Гаспром“ да ја преземе, делумно или целосно,  контролата над четири холандски и германски компании за гас, пренесува агенцијата Франс прес. Европската комисија, направила проценка дека по завршувањето на трансакциите меѓу компаниите нема да дојде до загрозување на конкуренцијата. „Гаспром“ ќе има целосна контрола над германските компании за гас „Vingas“ и „WIEH“, додека делумно ќе ги контролира холандските компании „WINZ“ и „Vintershell“, кои учествуваат во истражувањето и производството на нафта и гас.