Потресителни глетки со момче кое ја бара мајка си откако ги преживеало воздушните напади во сирискиот град Дума, беа раширени од „Скај њуз“.

Десетици други цивили, сепак ја немале неговата среќа. Според различни податоци на правобранителски организации, помеѓу 40 и 50 цивили загинале во ударите по градот Дума, Хараста, Сакба и Арбил.

Позади крикот на момчето, кое вика „Мама“ се распаѓаат згради и остатоци, а тоа успева да се качи во камион со другите деца. На помош на настраданите се приклучуваат и граѓански доброволци. Помеѓу загинатите, сепак, има 10 деца и 4 жени. Областа на Дума е контролирана од сириската умерена опозиција. Засега не е јасно дали ракетите биле истрелани од руската авијација или од силите на претседателот Башар Асад. По ударите глетката по улиците на погодените градови била страотна. Десетици луѓе трчале кон логорот со телата на повредени и своите блиски. Воздушните напади се фокусирале и над едно училиште. Болниците биле преполни со повредени, на кои постојано им се вршеле итни операции. Во исто време бомбардирањето не запрело, соопштува „Дејли Меил“. Според сириските државни новински агенции, сè започнало кога бунтовниците го нападнале предградието на Дамаск со гранати. Тогаш загинале 3 цивили, а 33 биле повредени. Владините сили возвратиле со воздушни напади во кои загинале многу повеќе луѓе.   [embed width="700" height="450" ]https://youtu.be/JYxV9nNBHv4[/embed]