Условите во македонските студентски домови се проблем кој со години никако да се реши. „Мизерни и под човечко достоинство” се фразите со кои студентите ги опишуваат условите во кои живеат.

Мизеријата во студентскиот дом „Гоце Делчев” во Скопје на пример, доби посебен „раскош” минатата недела кога поради обилните дождови собите и ходниците на домот беа поплавени.

Во моментов, ова се условите во кои живее академската младина во Македонија.

Од друга страна пак, новиот студентски дом на неколку стотини километри од нас, во Пула, Хрватска може да се рече дека е „ со 5 ѕвезди”. Хрватскиот луксузен дом чини 5 милиони евра, или една третина од парите што Македонија ќе ги даде за панорамско тркало.