Полицијата во Франкфурт вчера со барикади и бодликава жица го опколила новото седиште на Европската централна банка, како би ги спречила потенцијално насилните демонстрации против мерките на штедење и капитализам, најавени од активистичката алијанса наречена „Blockupy“ (Блокирај-Окупирај).

Во Франкфурт денеска, уште рано утрово траат судирите меѓу полицијата и демонстрантите. Како што пренесуваат агенциите, досега во немирите се повредени осум полицајци, додека повеќе од 50 демонстранти се уапсени.

За оние кои подоцна се информираа , денеска илјадници демонстранти се судрија со полицијата и запалија неколку полициски автомобили за време на протест во германскиот град Франкфурт против мерките за штедење, соопшти „Ројтерс“.

Целта на акцијата беше да се блокира церемонијата за свеченото отворање на новата централа на Европската централна банка (ЕЦБ). Зградата е во вредност од 1,3 милијарди евра.