Само за минатиот викенд во Германија пристигнале речиси 20 илјади бегалци, а најголем дел од нив доаѓаат од Сирија, Ирак и Авганистан.

Во последните неколку недели тие поминале долг пат, и со денови беа задржани на границите на Унгарија, Србија и Македонија.

Германските власти организираа импресивен пречек.

Десетици луѓе им раздаваа пакети со храна на пристигнување и убави играчки на децата. Им биле обезбедени кревети во центарот за бегалци во Минхен и донации од облека за сиромашните.

Германија „ќе се промени“ од приливот на мигранти, изјави вчера канцеларката на Германија, Ангела Меркел. Таа вети дека ќе работи за да може промените да бидат позитивни, и додала дека според неа тоа е можно.

Зборувајќи за „емоционалниот потресен викенд“, таа изрази задоволство дека „Германија стана земја со која луѓето се дружат и имаат надеж“.

Таа истакнала дека Германија ќе им даде заштита на оние кои имаат потреба од неа, но и оние кои немаат шанса за добивање на азил, ќе треба да се вратат брзо во своите домови, забележуваат американските медиуми.

Изразувајќи уште еднаш верување дека Германија ќе може да ги пречека и интегрира пристигнатите илјадници бегалци, Меркел повика на напори од страна на ЕУ. „Нема да се справиме без европска солидарност“, истакнала таа.

„Германија, Австрија и Шведска не можат да бидат единствените земји кои примаат бегалци“, додала на истата прес-конференција заменик-канцеларката и министер за економија Зигмар Габриел од СПД.

„Не може некои земји да велат: Немаме ништо со тоа“, изјавила и Меркел. Таа сепак изрази надеж дека ситуацијата ќе се промени.

Германската канцеларка Ангела Меркел изразила задоволство од одлуката на владејачката коалиција да одвои 6 милијарди евра за прифаќање на бегалците во Германија:

„За прв пат изработивме заеднички концепт за предизвикот со кој се соочуваме - поврзано со доаѓањето на бегалците и луѓето кои бараат азил од војната и прогонот. Ова е нашиот одговор“, смета Меркел.