Турскиот фудбалер  Хакан Шукур ќе одговара за навреда против претседателот на земјата, Реџеп Таип Ердоган.

Тој е познат како фудбалер со најбрз гол во историјата на светските првенства и негова е заслугата за третото место на Турција на Мундијалот во 2002-ра година. Се гони за коментирите на Твитер од февруари 2015-та, во кој го обвинил Ердоган за  кражба, макар и што  не го користел директно името на претседателот. Судењето започна денеска, а обвинителството бара 4 години затвор за поранешниот напаѓач на Галатасарај.

Адвокатот на Шукур откри дека неговиот клиент во САД и ќе даде видео сведочење од таму, ако е потребно. По завршувањето на фудбалската кариера, Шукур влезе во политиката во 2011-та година, кога беше избран за пратеник од Партијата на правдата и развојот.

Пред три години се откажа од политиката поради истрага за корупција против Ердоган. Фудбалерот му  се приклучи на крвниот непријател на Ердоган – Фетулах Гулен.

Ердоган досега ги тужеше германската издавачка куќа „Аксел Шпрингер“ поради исмевање, а имаше и случај кога еден возач на камион од Турција поднел тужба против неговата сопруга, бидејќи го навредувала турскиот претседател.