Франција се подготвува за „војна“ низ улиците на престолнината Париз.

Во вечерашното полуфинале на Светското првенство силите ќе ги одмерат Франција и Мароко, а по големиот број инциденти во земјата по четвртфиналната победа на Мароко над Португалија со 1:0 минатата недела, преземени се превентивни мерки. Не забрануваат славење, но тоа да не ја загрози безбедноста. 

Околу 10.000 униформирани полицајци ќе бидат мобилизирани низ целата земја, со 5.000 распоредени во регионот „Ил де Франс“ околу Париз и околу 2.200 во самиот главен град. 

Немири имаше во Париз вечерта на 10 декември, откако Мароко победи против Португалија. Хулиганите ги кршеле излозите на продавниците. Голем број Мароканци живеат во Франција.