Вистински бисер се појави на пазарот на луксузни недвижности во Франција - замок на свој остров во реката Виена, во Л'Ил-Журден, недалеку од Тулуз. Цената на овој необичен имот е 750.000 евра, а во него се наоѓа и приватен паб.

Според „Луксирај проперти њуз“, имотот се простира на површина од 2.766 квадратни метри, со двор, маслинова градина. Самиот замок датира од периодот пред 1817 година, кога до него била изградена воденица.

Главната зграда има три ката и подрум, со вкупно 12 соби, вклучувајќи две спални соби и две бањи. Приземјето се простира на 365 квадратни метри, првиот кат се простира на 357 квадратни метри, а вториот кат се простира на 267 квадратни метри. Левото крило од зградата содржи кујна со трпезарија, голема дневна соба со поглед на реката и спална соба со бања.

Кулата во комплексот е претворена во стан со една спална соба, додека дополнителните содржини вклучуваат гаража од 84 квадратни метри, работилница од 94 квадратни метри и уште еден голем подрум.

foto frenchestateagents