Француските синдикати постигнаа договор со работодавачите постигнаа договор според кој работниците во иднина нема да имаат обврска да ја проверуваат и да ја читаат својата службена електронска пошта надвор од работното време. Со договорот, кој е обврзувачки, се почитува духот на 35-часовното работното време во текот на една недела, што во Франција беше воведено во 1999 година. Во изминатите години, со оглед на растечката употреба на преносни компјутери и „паметни“ телефони, работодавачите се обидуваа да го изиграат законски одреденото работно време, принудувајќи ги своите вработени и дома да читаат службени email пораки и да завршуваат голем дел од обврските и по истекот на работното време. Со новата одредба ќе бидат опфатени околу 250 илјади работници, пред се во ИТ и консултантскиот сектор, вклучувајќи ги и вработените во француските претставништва на Фејсбук и Гугл. Ваквата одредба предизвика реакции и во САД, каде што сеуште не постои ограничување на работните часови во една недела, што предизвика раст на просечната продуктивност по работник за 400% во последните 50-тина години. Американците пресметале дека во моментов одработуваат 200 часа повеќе годишно во споредба со Французите.