На булевар се отвори дупка во близина на главната железничка станица во јужна Јапонија. 

Дупката се појави кај станицата  Хаката во градот Фукуока на јапонскиот остров Кјушу во 5:15 часот по локално време и постојано се зголемува. 

При уривањето, биле пресечени електрични кабли и дошло до прекин на електрината енергија на меѓународниот терминал на аеродромот во градот, кој е на два километри од железничката станица.

Властите почнаа евакуација на жителите на околните згради, откако се појавија информации дека може и тие да пропаднат. Во овој дел на градот се чувствува мирис на гас.

Се препотставува дека причина за инцидентот е изградба на подземна железничка мрежа. Ризик постои за објектите кои се во близина и кои може да бидат „проголтани“.