Безбедносната служба на Украина информираше дека го идентификувале рускиот танкер Нејма, откако вчера влегол во пристаништето на Црното Море во Измаил, како танкерот кој е користен при блокадата во Керченскиот мореуз, кога се случил инцидентот со украинските морнари лани. 

Во тек е подготовка на обвинение врз основа на кое бродот би требало да се заплени.

Медиумите наведуваат дека украинската служба извршила претрес на бродот, комплетната документација е конфискувана, и целиот екипаж е испрашуван.

Руското Министерство за надворешни работи веднаш по веста за заплената на танкерот ја предупреди Украина дека „наскоро ќе има последици“ ако било кој член на рускиот екипаж на танкерот е „земен како заложник“, објави агенцијата РИА.