Mинистерство за внатрешни работи на Авганистан информираше дека утрово во дипломатскиот дел на Кабул експлодирал автомобил бомба. 

Според некои новински агенции, имало 40 мртви и над 320 ранети луѓе. Се очекува бројот на жртвите да расте. Експлозијата се случила во квартот каде што се наоѓаат неколку амбасади и претседателската резиденција. Досега никој не ја презеде одговорноста за нападот до кој доаѓа откако Талибанците најавија дека покренуваат „пролетна офанзива“ врз авганистанските безбедносни сили.

Очевидци велат дека се стресле сите прозорци и се одвоиле делови од врати од експлозијата. Уништени се над 30 возила кои биле во близина. 

На фотографиите објавени на Твитер се гледа облак од чад од експлозијата.