Речиси секое лето на социјалните мрежи се појавуваат стари фотографии од плажи од 1970-тите и 1980-тите.

Во тие среќни летни сцени, многумина го забележаа истото: сите изгледаат многу слаби. Дали може да биде дека сите биле послаби?

Писателот и колумнист Џорџ Монбиот спроведе истражување за да го најде одговорот.

Тој откри дека луѓето всушност јаделе повеќе во 1970-тите отколку сега. Исто така, некои од работните места се исто толку тешки денес како во 1970-тите. Децата денес се движат исто како и пред 50 години.

Но, има една важна разлика: тој откри дека луѓето денес јадат повеќе шеќер, кој го има во многу производи, пренесува Нова.рс.

Порано јадевме повеќе, но поинаку. Денеска по човек купуваме половина повеќе свежо млеко, но пет пати повеќе јогурт, три пати повеќе сладолед и дури 39 пати повеќе млечни десерти, покажало неговото истражување.

Купуваме половина повеќе јајца отколку во 1976 година, но една третина повеќе житарки за појадок и двојно повеќе житни закуски; половина од вкупниот број компири, но три пати повеќе чипс.

In this photo, from 1976, almost everyone is what we would now call slim. So what has happened? A sudden loss of willpower, as some rightwing journos claim? No. An obesogenic environment created by junk food manufacturers and their advertisers. pic.twitter.com/DmzxsD5VLz

— George Monbiot (@GeorgeMonbiot) July 26, 2018

Додека нашите директни набавки на шеќер опаднаа, шеќерот што го консумираме во пијалоци и кондиторски производи веројатно се зголеми.

„Смената не се случи случајно. Како што тврдеше Жак Перети во неговиот филм The Men Who Made Us Fat, прехранбените компании инвестираа многу во дизајнирање производи кои користат шеќер за да ги заобиколат нашите природни механизми за контрола на апетитот, како и пакување и промовирање на овие производи, за да го разградат она што остана од нашите заштитни средства, вклучително и употреба на сублиминални мириси. Тие вработуваат армија научници за храна и психолози за да не измамат да јадеме повеќе отколку што ни треба, додека нивните огласувачи ги користат најновите откритија во невронауката за да го надминат нашиот отпор“, вели Монбиот.

Фото: Принтскрин/Твитер