Околу 77 луѓе загинаа утрово во 3 часот во Еквадор, во силен земјотрес со интензитет од 7,8 степени по Рихтеровата скала.

Епицентарот бил на 27 километри југоисточно од Муиснеа, слабо населено подрачје. Урнати се куќи, мостови, а еден трговски центар е поделен на два дела. Информации за жртви доаѓаат од градовите Манта, Порто Виехо и Гвајакил лоцирани на неколку километри од местото каде бил земјотресот.

Претседателот на Еквадор, Рафаел Кореа прогласи вонредна состојба во земјата. Земјотресот бил на длабочина од околу 20 километри и се почувствувал во целата држава, но и во Перу.

Властите апелираа до граѓаните да се евакуираат од крајбрежните подрачја, стравувајќи дека може да биде предизвикана голема плима.