Карго-авион „боинг 737“ утрoво при слетувањето на аеродромот „Орио ал Серио“ во Италија не успеал да се сопре на пистата, по што ја пробил оградата и излегол на автопат.

Во моментот на излетувањето на автопатот  имало автомобили. Настанот се случил околу четири часот наутро во Бергамо, во близина на Милано.  Авионот летал од аеродромот „Шарл де Гол“ во Париз.

Нема повредени во инцидентот, а сите три члена на екипажот излегле неповредени од авионот. Аеродромот бил три часа затворен, а од 6.45 повторно е во функција, а полетувањата и слетувањата се одвиваат нормално. Италијанскиот авијациски регулатор сепак прецизира во соопштението дека некои летови се пренасочени на аеродромот во Милано.