Полицијата во едно предградие во Сент Луис уби 18 годишен Афроамериканец на една бензиска пумпа недалеку од местото каде изминатото лето полициски службеник го уби тинејџерот Мајкл Браун, соопштуваат полицијата и локалните медиуми. „Полицаецот го застрелал момчето бидејќи вперило пиштол во него“, соопштил портпаролот на полицијата во Сент Луис, пренесува „Ројтерс“. Жртвата е идентификувана како Антонио Мартин, јавуваат локалните медиуми. Веднаш по инцидентот поголема група граѓани се собрала на местото на убиството, а официјални претставници до сега не се огласиле. Мартин, како што изјавила неговата мајка, бил со девојката за  време на немилиот инцидент. [embed]http://www.youtube.com/watch?v=UqDkm2Usdsg[/embed]