Маж на возраст меѓу 55 и 60 години држи заложници во банка во Москва и се заканува дека ќе активира бомба.

Мажот се претпоставува како претприемач од Подмосковјето, кој произведува медицински предмети. Тој вели дека неодамна банкротирал и сака да се создаде „институција за банкротирани поединци”. Напаѓачот досега ослободи три жени, а се верува дека во банката останале тројца вработени и еден посетител.

Од банката информираа  дека работат со полицијата за решавање во најкус можен рок на инцидентот.

Во нападнатата филијала на банката влегол преговарач. На местото на инцидентот пристигнале полицајци, специјална единица на Министерството за внатрешни работи и претставници на Федералната служба за безбедност, како и деминери од Министерството за внатрешни работи.

Напаѓачот уверува дека неговите акции не се насочени против банката и сам побарал да преговара со полицијата. Банкарски службеници, кои успеале да ја напуштат зградата, велат дека мажот цел ден седел на клупата во близина на банката и се интересирал кој е гувернер на оваа филијала.

Пристапот до банката е блокиран.