Убиството на 23-годишен Афроамериканец од полицијата во американскиот град Милвоки синоќа иницираше протест.

Името на убиеното момче не е соопштено. За време на протестот беше ранет најмалку еден полицаец. Стотина учесници на протестот почнаа да палат автомобили, кршеа прозорци на возила и фрлаа со камења кон полицајците. Градоначалникот Том Барет кажал дека по неколку часа во северниот дел на градот тензиите се смириле.

Инцидентот се случил вчера при проверка на автомобил. Дваесет и четиригодишен полицаец го запрел автомобилот и од него излегле двајца патници, кои почнале да бегаат.

Едниот од нив бил 23-годишен Афроамериканец, кој бил вооружен и тој бил убиен од полицаецот. Подоцна е утврдено дека оружјето убиениот го украл во март.

Полицаецот, кој го убил 23-годишното момче, времено е разрешен.