Хотели со туристи во градот Сус во Тунис беа нападнати од терористи, објави Министерството за внатрешни работи на таа земја.

[embed width="700" height="450" ]https://twitter.com/_med_Dhia/status/614423523671543809/photo/1[/embed]

Се прецизира дека два хотела се нападнати.

Најмалку 28 лица се убиени, а 36 се повредени. Повеќето загинати се странски туристи. Според Министерството за здравство меѓу загинатите има Британци, Германци, Белгијци и локални жители.

[embed width="700" height="450" ]https://twitter.com/JawazSafar/status/614398949697306624/photo/1[/embed]

Едниот напаѓач е убиен, а друг е уапсен, потврди Министерството на Тунис.

[embed width="700" height="450" ]https://twitter.com/Terror_Monitor/status/614410712836734976/photo/1[/embed]

Сторителите отвориле оган од автоматски пушки „Калашников“ на популарната туристичка плажа. Нападот е до хотел „Imperial Marhaba“. Пред да почнат со  пукање била детонирана една бомба, според локалните медиуми.

[embed width="700" height="450" ]https://twitter.com/zathaross/status/614430558190481408/photo/1[/embed]

Убиениот напаѓач е туниски студент кој не и е познат на полицијата.

[embed width="700" height="450" ]https://twitter.com/Ines_aeneas/status/614434380510044161/photo/1[/embed]

„Тој е од Тунис, од регионот Каируан во централниот дел на земјата. Тој е студент“, изјавил државниот секретар на безбедност Рафик Шели.

[embed width="700" height="450" ]https://twitter.com/MedOmarTN/status/614415777379319808/photo/1[/embed]

Според него напаѓачот дошол откај плажата, носејќи автомат „Калашников“, скриен во чадор за плажа. Почнал да пука врз туристите на плажата и оттаму влегол во хотелот „Imperial Marhaba“.

[embed width="700" height="450" ]https://youtu.be/iXCAg862EQA[/embed]

Шели додал дека има многу странци меѓу жртвите, но не знае точно колку се.

[embed width="700" height="450" ]https://youtu.be/vlP6FSVolko[/embed] Хотелите се наоѓаат на средоземноморското крајбрежје - 140 километри јужно од главниот град Тунис. Сус е често посетена туристичка дестинација од европски граѓани и од соседните држави. [embed width="700" height="450" ]https://youtu.be/skyN4Djf_DM[/embed]

Северноафриканска земја ги подигна мерките за безбедност од март, кога исламистите го нападнаа музејот „Бардо“ во главниот град. Тогаш беа убиени повеќе од 20 странски туристи.