Египетските медиуми објавија на социјалните мрежи и први фотки од рускиот патнички авион кој денес се урна на полуостровот Синај. Фотографиите потврдуваат дека авионот целосно е уништен, а во тек е потрага по телата.

Египетската војска префрли неколку тела на жртвите до базата во источен Каиро. Првите 35 тела веќе се однесени во мртовечница. Досега, околу 145 тела се најдени на местото на несреќата.

Руски патнички авион со 224 патници и членови на екипажот, кој утрово полетал од летувалиштето Шарм ел Шеик за Санкт Петернург, се урнал во централен Синај, а остатоци од леталото се најдени во областа јужно од Ариш на Синај. Во авионот биле руски туристи, а меѓу нив имало и 17 деца.

Премиерот на Египет Шериф Исмаил заедно со други претставници го посетил местото на кое се наоѓаат остатоци од авионот.

Тој денес изјави дека е невозможно да се утврди причината за падот на рускиот ербас А-321 се додека црната кутија не се истражи. Сличен став изнесе и руската агенција за авиособраќај од која е соопштено дека нема основа да се нагодуваат причините за пад на авионот додека постојат доверливи податоци за околностите на несреќата.

Во моментот нема основа која би укажала дека причина за падот на авионот била техничка грешка во кокпитот или каков надворешен удар.

Со обработка во државното обвинителство, утврдено е дека црните кутии содржат снимки од разговорите меѓу двајцата пилоти, како и помеѓу пилотите и членовите на екипажот, известија египетски медиуми.