На Институтот за криминлогија на северот од Брисел рано утрово експлодирала бомба, повредени нема, бидејќи зградата во тоа време била празна, а од противпожарната служба рекле дека „наверојатно не е случајност“.

Како што пренесоа локални медиуми, еден или повеќе напаѓачи со автомобил ја пробиле оградата околу три часот утрто и потоа детонирале бомба недалеку од лабораторијата што предизвикало пожар.

Уште не е официјално утврдена причината за експлозија, но портпаролот на противпожарната служба , Пјер Мејс рекол дека „причината веројатно не е случајност“, додека обвинител одбил да ја „нагодува причината за експлозија“, на Институтот за криминологија.

„Експлозијата била исклучително силна, па скршени прозорци имало во пречник од повеќе десетина метри“, изјавил Мејс.

Институтот за криминолгија е дел од белгискиот правосуден систем, а задача му е да изведува научни аналлизи поврзани со кривични предмети и да ги проучува системите на функционирање на затворски системи.

Белгија го подигна степенот на подготвеност, после терористичките напади на аердромот, потоа и метро станицата во Брисел.