„Тој е мртов за нас” – велат педесетина „ожалостени” другари кои присуствуваат на лажниот погреб на нивниот пријател, кој ги напуштил пред 18 месеци откако ја запознал својата девојка.

Дваесетгодишниот Кеиран Кабел го оставил својот живот зад себе и целосно се посветил на неговата сакана Џес Фергусон, која уште тврди дека тој „може да излезе каде сака”.

Откако другарите некако го убедиле да излезе со нив во локален паб за да гледаат рагби, Кабел открива дека си дошол на својот „погреб”.

Неговите пријатели направиле целосна организација. Купиле мртовечки ковчег, организирале свештеник и сите биле облечени во црно. Мртовечките венци и химни биле дополнителен ефект.

Организатор на „погребот” бил неговиот најдобар другар Саливан, кој вели дека се чувствува како другар му да умрел, бидејќи го нема видено откако си фатил девојка.

-Никој од нас не го видел од тогаш и тој не одговара на некој од нашите повици или пораки. Затоа решивме и официјално да го „погребаме” – вели Саливан.