Двете црни кутии се најдени на местото на падот на рускиот патнички авион ербас А-321 во планинското подрачје во областа Хашаба јужно од Ариш на Синај, а досега се извлечени телата на 100 патници, меѓу кои и 17 деца.

 Во меѓувреме, семејствата на загинатите, во солзи пристигнуваат на аеродромот Пулково каде денес од Шарм ел Шеик требаше да слета авионот на компанијата „Когалимавија“ кој со 224 патници и членови на екипажот се урна над Синај во Египет.

Со тага и неверување, семејствата на патниците на урнатиот авион очекуваат вест од лице место, со надеж дека можеби некој од нив преживеал.

Според први информации, авионот целосно е уништен, и последната вест е дека нема преживеани.

Меѓу 224 лица кои биле во авионот, кој летал од Шарм ел Шеик кон Санкт Петербург, се наоѓале 17 деца, 200 возрасни и седум членови на екипажот.