Граѓанската војна во Сирија започна пред повеќе од четири години.

Досега објавените шокантни фотографии од уништени градови, мртви тела и бомбардирани културни наследства зборуваат колку е очајна ситуацијата во оваа земја.

Овие две сателистки фотографии ја прикажуваат штетата од војната во Сирија од друга перспектива.

Направени се преку сателит на S- НП , управувана од страна на американската Национална океанска и атмосферска администрација (НOAA) , во април 2012 и април 2015 година - особено во областа на реката Еуфрат.

Фотографиите го покажуваат намаленото количество на електрична енергија  што се користело од тие делови пред три години и денес. Исто така, прикажуваат и колкав број на луѓе се исселиле од оваа територија.

Сателитските фотографии се приказ на пустошот на инфраструктурата во Сирија, што го остави зад себе бруталната војна што трае повеќе од четири години.