Египетски претставници денес потврдија дека нема преживеани во падот на рускиот патнички авион, кој рано утрово се урна над Синај.

Во авионот „ербас А-321“ се наоѓале 214 руски патници и тројца Украинци, соопштила египетската влада. Според податоци на египетското министерство за цивилна авијација, во авионот се наоѓале тројца мажи, 138 жени, и 17 деца, на возраст од две и 17 години.

Спасувачите кои стигнале на местото на падот на авионот извлекле најмалку тела на 100 лица од остатоците, изјавил претставник на египетската безбедносна служба.

-Многу починале во седиштата, врзани за безбедносните појаси-рекол тој, пренесе Ројтерс. Според зборови на тој претставник, авионот при падот се распаднал на два дела, а помалиот се запалил и удрил во голема карпа.

-Извлековме најмалку 100 тела, а останатите и понатаму се наоѓаат внатре во леталото-додал тој.

Авионот ербас А-321 на руската авикомпанија Колавија, на лет од Шарм ел Шеик до Санкт Петербург се урна денеска окол 100 км од Ариш во северен Синај.

ТВ станицата Ал Арабиија јави, повикувајќи се на египетски безбедносни претставници дека авионот, во кој се наоѓале 224 патници и членови на екипажот во целост е уништен. Остатоците од авионот заедно со црните кутии е најден во областа на Хасан.

 [button color="orange" size="medium" link="http://faktor.mk/2015/10/31/ruskiot-avion-urnat-nad-teroristichko-gnezdo-putin-nalozhi-itna-i-detalna-istraga/" target="blank" ] РУСКИОТ АВИОН УРНАТ НАД ТЕРОРИСТИЧКО ГНЕЗДО: Путин наложи итна и детална истрага![/button]

[button color="orange" size="medium" link="http://faktor.mk/2015/10/31/foto-posledna-slika-pred-letot-na-smrtta-patnichka-od-urnatiot-ruski-avion-gi-fotografirala-svojata-kerka-i-soprug/" target="blank" ] РУСКИОТ АВИОН УРНАТ НАД ТЕРОРИСТИЧКО ГНЕЗДО: Путин наложи итна и детална истрага![/button]