Најмалку 13 лица загинале, а 6 се повредени во силна експлозија која утрово одекнала во Руан, на северот од Франција.

Експлозијата која се случила во Нормандија била случајна, тврди тамошната полција додавајќи дека потоа избил голем пожар во кој настрадале 13 лица.

Полицијата додава и дека пред се загинале млади луѓе кои во еден бар присуствувале на роденденска забава.

Пожарот избил околу полноќ, во барот „Куба либре“.

Го гаснеле дури 50 пожарникари кои претпоставуваат дека огнената стихија избила поради свеќичките на роденденската торта која пламнале на роденденската прослава.

Огнот веднаш се проширил на материјалот за звучна изолација.

Во тек е истрага, а полицијата верува дека жртвите настрадале после загушување од димот.