Семејствата на настраданите сега, после пет дена, од трагедијата може да ги преземат телата од Институтот за форензика и да ги погребаат своите најмили. Меѓу настраданите има најмногу Французи, но има и жртви од Украина, Мароко, Алжир, Белгија, Италија, Романија, Мексико, Тунис, Шпанија ...

Гардијан ги собра податоците за жртвите и досега се објавени повеќе од 60 фотографии на жртвите со основите податоци кои може да ги видите тука.

Да потсетиме .. во терористичкиот напад кој се случи во петокот во Париз во повеќе одделни напади настрадаа 129 лица, а речиси 400 се повредени. Најмногу лица се убиени во концертната сала Батаклан, а нападите се извршени и покрај стадионот Стад де Франс и во некои ресторани и барови.

Се верува дека операцијата на нападите во Париз ја предводел Абделхамид Абауд, меѓутоа тој не е уапсен во големата полициска акција која утрово беше покрената во Париз.